خواتین کے حقوق۔۔۔۔۔۔خواتین کون؟؟؟

تحفظ خواتین بل ہو یا اسلامی نظریاتی کونسل کے فیصلے، ایسے قوانین صرف موم بتی بردار آنٹیوں کے لیے ہی موثر ثابت ہوسکتے ہیں جو ان قوانین کو اپنے مفاد کے لیے استعمال کرنا جانتی ہیں۔۔۔۔۔دور دراز گاوں میں سارا دن کھیتوں میں جتی اللہ وسائی کو کیا معلوم کہ حقوق نسواں بل کیا ہے؟؟؟جواری شوہر جب نشے میں دھت ہوکر اپنی بیوی کو پیٹتا ہے تو اسے کون بچائے؟؟قانون؟؟جی نہیں۔۔۔۔۔کیوں کہ قانون کے صرف ہاتھ لمبے ہوتے ہیں آنکھیں نہیں۔۔۔۔۔۔۔
اپنی زندگی کے بیس حسین سال شوہر کے مظالم سہتے وقت گزارنے والی عورت کبھی بھی ایسے بودے قوانین سے فائدہ اٹھانے کا نہیں سوچے گی۔۔۔۔کیوں کہ اس نے اپنی زندگی اپنی اولاد کے لیے وقف کر دی ہے ،اس کی ماں نے اسے رخصت کرتے وقت ذہن نشین کرایا تھا کہ پتر! اب تیری لاش ہی اس گھر میں واپس آسکتی ہے۔۔۔۔۔۔۔۔
لہٰذا یہ خواتین کے حقوق کی علمبرداری صرف ذاتی مقاصد حاصل کرنے کا بہانہ ہے، اگر یہ عوام خواتین کے حقوق کے لیے اتنے ہی مخلص ہیں تو ان قوانین کو خود پر نافذ سمجھیں اور اس کی شروعات اپنے گھروں سے کردیں۔۔۔۔۔۔تب ہر گھر یقیناً جنت کا نظارہ پیش کرے گا اور خواتین بنیادی اسلامی حقوق کے سائے میں محفوظ اور مطمئن زندگی بسر کر سکیں گی۔۔۔۔۔!!

بقلم خود۔۔۔۔سعد